சிறகில்லா தேவதை! - உன்
கரம் பற்ற ஆசை!
தவழ்ந்தாடும் கூந்தல்தனை
மடி தாங்க ஆசை!
கயல் போன்ற உன் கண்ணின்,
கருவிழியில்,
எனைக் காண ஆசை!
சிறுத்த காதுமடல் - அதைச்
செல்லமாய்க் கடிக்க ஆசை!
என் மூக்கால்,
உன் மூக்கை நான் வருடி,
மூச்சோடு மூச்சணைக்க ஆசை!
இனிக்கின்ற இதழ் அதனை,
இனிதே கொஞ்சம் தீண்ட ஆசை!
தித்திக்கும் உன் குரலை,
திகட்டும் வரை பருக ஆசை!
நீராடி நீ நிற்க,
உன் தலை துவட்டி,
என் தோள் சாய்க்க ஆசை!
தாலாட்டுப் பாடியுனை,
தூங்க வைக்கவும் ஆசை!
உனதாசை அதையறிந்து,
எனதாசையாக்கி,
நிறைவேற்ற ஆசை!
இன்னும்... இன்னும்...
எத்தனையோ ஆசைகள்,
உன்னிடத்தே எனக்குண்டு!
அத்துனையும் அரங்கேற்ற,
அனுமதிப்பாயோ?!!
நீ,
"ஆம்" சொல்ல ஆசை!!!
0 கருத்துகள்:
கருத்துரையிடுக
இது தூய்மையான, பிற மொழி கலப்பு இல்லாத 'தமிழ் தளம்', எனவே தயை கூர்ந்து தங்கள் கருத்துகளை தமிழில் மட்டும் பதிவு செய்யவும். நன்றி!!!
(குறிப்பு:தமிழில் தட்டச்சு செய்ய வலதுபுரம் உள்ள 'மொழிபெயர்ப்பு பலகையை' பயன்படுத்திக்கொள்ளவும்)