கற்கண்டு,
பகற்கனவு,
நற்சான்றோர்,
தற்பெருமை!
முள்வேலி,
முயற்குட்டி,
முற்பிறவி,
முழுநிலவு!
சுண்ணாம்பு,
கண்ணாடி,
மைப்பேனா,
கையிறுப்பு!
பச்சரிசி,
பளிங்குதரை,
புற்றீசல்,
புவியீர்ப்பு!
அறிந்த வார்த்தைகள் – இங்கே
அர்த்தமற்ற வரிசையில்!
புரிந்த சொற்கள் –இங்கே
பொருளற்ற பிணைப்பில்!
விரும்பும் கவிதை-இங்கே
விரும்பாத வடிவத்தில்!
இப்படித்தான் வாழ்க்கையும்....!!!!!
அறிந்ததை அர்த்தமற்றதாக்கும்!
தெரிந்ததை தேவையற்றதாக்கும்!
பொருளற்று பிணைத்து,
‘விதி’ விடுத்து இணைத்து,
நாம் விரும்பாத போதும்
பதில் கேட்க்கும்!!
ஓர் புரியாத புதிர் போட்டு.....!?!?!?!
0 கருத்துகள்:
கருத்துரையிடுக
இது தூய்மையான, பிற மொழி கலப்பு இல்லாத 'தமிழ் தளம்', எனவே தயை கூர்ந்து தங்கள் கருத்துகளை தமிழில் மட்டும் பதிவு செய்யவும். நன்றி!!!
(குறிப்பு:தமிழில் தட்டச்சு செய்ய வலதுபுரம் உள்ள 'மொழிபெயர்ப்பு பலகையை' பயன்படுத்திக்கொள்ளவும்)