நான்... நானில்லை! (I am not I am)

நான்,
"நானாக" இருந்ததே இல்லை!

விழி விரியும் காலை முதல்,
இமை உறங்கும் நேரம் வரை..
எப்போதும் நான்,
"எனைக்" காண முடிவதில்லை!

ஏன்?
கனவில் கூட,
பலசமயம்...
என்னை.. "என்னாகவே",
காண்பதரிதே!

இது தான் 'நான்' என,
எனை உலகம் நினைக்கிறதோ..
நிச்சயமாய்
அது நான் அல்ல!

எது "நான்" என..
நான் அறிந்த வரை ,
"எனையன்றி" வேறொருவர்,
அறிந்திருக்க வாய்ப்பில்லை!

நான் ஏன் "நானாகவே" இல்லாது,
நீங்கள் அறியும் 'நான்' ஆனேன்..??!

ஹும்!
தானே வேடமிட்டுள்ள,
நான் பிறந்த இவ்வுலகம்..
எனை மட்டுமா..
"என்னாகவே" ஏற்கும்..???

என்னை, "என்னாகவே"..
ஏற்காத இவ்வுலகம்
"நான்" இல்லா என்னை..
'நான்' என்றதும் ஏற்றது..!

சரி..!
நான் மட்டும் தான்,
"நானாக" இல்லாது
"நான்" போல நடிக்கிறேனா?

நீங்களே கொஞ்சம் சொலுங்கள்!!
நீங்கள் என்றால்,
நான் காணும் 'நீங்கள்' இல்லை!
நீங்கள் மட்டும் அறிந்த,
"உங்களை...!!!"

ஒரு புது முயற்சியாக.. (தமிழுக்கோ.. கவிதைக்கோ அல்ல.. என்னின் புதுமுயற்சியாக!)
ஒரே நபரை மூன்று விதமாக உலவ விட்டிருக்கிறேன்!
"நான்" - நான் மட்டும் அறிந்த உண்மையான நான்!
'நான்' - இந்த உலகம் அறிந்த நான்!
நான் - பிரதி பெயர்ச்சொல்(pronoun)!

இக்கவிதையை படிக்கும் நண்பர்களால், படிக்கின்ற நேரத்திலேயே இந்த வேறுபாட்டை உணர முடிந்தால்!
என்னின் முயற்சிக்கு கிடைத்த வெற்றியாக எண்ணி.. உற்சாகமடைவேன்!
உணர முடியாத பட்சத்தில்., அதி உற்சாகமாக.. மேம்படுத்த முயல்வேன்!